ԱՄԲ մեթոդով անպտղության բուժումից առաջ կատարվում է հիվանդայցելուների համալիր հետազոտություն:

Համալիր հետազոտությունը ներառում է.

1. Արյան մեջ հորմոնների որոշում.
   Դաշտանային ցիկլի 2-3 օրը՝
   - ԼՀ (լյուտեինացնող հորմոն), ՖԽՀ (ֆոլիկուլախթանիչ հորմոն), էստրադիոլ, պրոլակտին, ԹՏՀ (թիրեոտրոպ հորմոն), T4 ազատ, ԴՀԱ-S (դեհիդրոանդրոստերոն սուլֆատ), տեստոստերոն.
2. Խրոնիկ վարակների որոշում.
   - խլամիդիոզի, միկոպլազմոզի, ուրեապլազմոզի, ցիտոմեգալովիրիայի, հերպեսի, տոքսոպլազմոզի
3. Հեշտոցի մաքրության աստիճանի որոշում
4. Արգանդի պարանոցի և հեշտոցի արտադրության մանրէաբանական ցանքս
5. Կոլպոսկոպիա (արգանդի պարանոցադիտում հատուկ սարքով), արգանդի վզիկից վերցրած քսուկ՝ օնկոցիտոլոգիայի համար
6. Փոքր կոնքի օրգանների ԳՁՀ դաշտանային ցիկլի 5-8-րդ օրը, ֆոլիկուլոգենեզի (ֆոլիկուլների զարգացման ընթացքի) դինամիկա
7. Վահանագեղձի ԳՁՀ՝ ըստ ցուցումների
8. Կրծքագեղձերի ԳԶՀ կամ մամոգրաֆիա՝ ըստ ցուցումների
9. Արյան մեջ ՁԻԱՀ-ի, սիֆիլիսի, հեպատիտ B և C-ի որոշում:
10. Արյան խմբի և ռեզուս գործոնի որոշում
11. Արյան կլինիկական քննություն
12. Արյան կենսաքիմիական քննություն.
    - շաքար, խոլեստերին, ընդհանուր սպիտակուց, կրեատինին, ընդհանուր բիլիռուբին
13. Կոագուլոգրամա (արյան մակարդելիության ցուցանիշների որոշում)
14. Մեզի ընդհանուր քննություն
15. ԷՍԳ (էլեկտրասրտագրություն)
16. Ֆլյուրագրաֆիա
17. Թերապևտի խորհրդատվություն
18. Բժիշկ-գենետիկի (ժառանգաբանի) խորհրդառտվություն (ըստ ցուցումների)
19. Ամուսնու սերմի հետազոտություն (սպերմոգրամա՝ սերմնագիր):

Միզասեռական ուղիների վարակների հետազոտություն. քանի որ անպտղութան դեպքում տղամարդկանց ու կանանց գրեթե կեսի մոտ հայտնաբերվում են բորբոքային հիվանդություններ, ուստի այդ վարակների հետազոտությունը ցուցված է բոլոր հիվանդայցելուների համար: Այսպիսով` ՕՎՏ-ին նախապատրաստվելու փուլում վարակների հետազոտությունը պարտադիր է, քանի որ հնարավորություն է տալիս հայտնաբերել և բուժել ոչ միայն բացահայտ, այլև թաքնված հիվանդությունները և, այդպիսով, կանխել բորբոքման հետ կապված բարդությունները:

Էնդոմետրիումի կենսազննում (բիոպսիա): Դա էնդոմետրիումից մի փոքր կտորի (փորձանմուշի) ստացումն է` մանրադիտակի տակ հյուսվածաբանական հետազոտության համար: Նման հետազոտությունը հնարավորություն է տալիս հայտնաբերել մի շարք հիվանդություններ, որոնք կարող են ընդհանրապես անպտղության կամ թե ՕՎՏ ծրագրերի շրջանակներում անհաջողությունների պատճառ հանդիսանալ: