Ստանալ կոնտակտ

Կարո՞ղ են իմպլանտացիայից հետո էմբրիոնները դուրս ընկնել արգանդից

2023 Դեկ 25, Երկուշաբթի

Էքստրակորպորալ բեղմնավորումը, որն արդեն կիրառվում է մոտավորապես 40 տարի, անպտղության բուժման ընդունված մեթոդ է ամբողջ աշխարհում։ Այդ տարիների ընթացքում մեթոդի շնորհիվ ծնվել են 8 միլիոնից ավելի երեխաներ:

Էմբրիոնի զարգացումը իմպլանտացիայից հետո

Էմբրիոնի իմպլանտացիան անպտղության բուժման կարևոր փուլ է համարվում: Նախքան միջամտությունն իրականացվում է ՈՒՁՀ՝ արգանդի վզիկի, արգանդի ցուցանիշների, էնդոմետրիումի հաստության որոշման և ձվարանների վիճակի գնահատման նպատակով: Այնուհետև բժիշկը՝ ՈՒՁՀ վերահսկողությամբ, հատուկ կաթետրային ներարկիչով բեղմնավորված ձվաբջիջները տեղափոխում է արգանդի խոռոչ: Էմբրիոնի ամրացումը սկսվում է փոխպատվաստումից 40 ժամ անց: Այն ընթանում է 3 փուլով.

Առաջին փուլում, պտղաձուն հայտնվելով արգանդում, միանում է էնդոմետրիումի լորձաթաղանթին: Նրա արտաքին թաղանթին հայտնվում են բազմաթիվ աղվամազիկներ, որոնք հեշտացնում են այդ գործընթացը։

Երկրորդ փուլում տեղի է ունենում բլաստոցիտի ադգեզիա արգանդի էպիթելին, և ձևավորվում է սերտ կապ նրանց միջև:

Երրորդ,աԱվարտական փուլում էմբրիոնը թափանցում է էպիթելյալ շերտի մեջ, ներաճում էնդրոմետրիումին: Իմպլանտացիան տևում է 10-12, վերջում բլաստոցիտի ներքին բջջային զանգվածը վերածվում է իսկական էմբրիոնի, իսկ արտաքին մասը՝ ընկերքի:

Արգանդի խոռոչից պտղաձվի անկումը, անգամ մինչև նրա լիովին ներմուծվելը էնդոմետրիումի մեջ, բացառվում է: Արգանդը հարթմկանային օրգան է՝ իր տեսքով շրջված տանձ հիշեցնող, որը վզիկով միանում է  հեշտոցին: Էմբրիոնի գտնվելը արգանդի խոռոչում ակտիվացնում է վզիկի գեղձերի գործունեությունը, որի արդյունքում արտադրվում է թանձր և կպչուն նյութ: Արգանդի վզիկում հայտնվում է լորձի մեծ թանձրուկ, որն ապահովում է պտղի անհրաժեշտ տեղում ֆիքսելը և կանխում ինքնաբուխ վիժումը:

Պտղաձվի նորմալ աճը կախված է էնդոմետրիումի հաստությունից, որի կարևոր գործառույթներից է արգանդի խոռոչում իմպլանտացիայի բլաստոցիտի զարգացման համար անհրաժեշտ պայմաններ ստեղծելը այնքան ժամանակ, քանի դեռ չի ձևավորվել և չի սկսել գործել ընկերքը:

Էքստրակորպորալ բեղմնավորման հաջողությունը կախված է նաև էմբրիոնների որակից, կնոջ տարիքից, նրա առողջական վիճակից, էմբրիոնի և էնդոմետրիումի զարգացման փուլից, հորմոնալ ֆոնից և այլն:

Արգանդի խոռոչում պտղաձվի իմպլանտացիային հաջորդող շրջանը մինչև քորիոնիկ գոնադոտրոպինի թեստի անցկացումը համարվում է ԱՄԲ-ի ամենակարևոր ժամանակահատվածներից մեկը: Էմբրիոնի տեղադրումից հետո կնոջը խորհուրդ է տրվում 1 ժամ պառկած մնալ: Դա անհրաժեշտ է ոչ այն պատճառով, որ էմբրիոնը հասցնի ամրանալ արգանդի պատին և քայլելիս դուրս չընկնի, այլ որպեսզի կինը հանգստանա:

Առաջին 3 օրը խորհուրդ է տրվում հետևել առավել հանգիստ ռեժիմի, խուսափել ֆիզիկական ծանրաբեռնվածությունից, ավտոմեքենա նստելուց, սթրեսներից, սեռական հարաբերությունից, լողից, սաունայից, լոգանքից:

Անհրաժեշտ են՝ զբոսանք մաքուր օդում, ճիշտ և լիարժեք սնունդ: 3 օր անց, բժշկի հետ խորհրդակցելով, կարելի է ավելացնել ֆիզիկական ակտիվությունը: Մեկ շաբաթից կարելի է անցնել կյանքի սովորական առօրյային, սակայն դարձյալ բժշկի հետ համաձայնեցնելով օրվա ռեժիմը, սպորտով զբաղվելը և այլն: