Ստանալ կոնտակտ

Մարդու խորիոնիկ գոնադոտրոպին /ՄԽԳ, ХГЧ/

2023 Փետ 13, Երկուշաբթի

Մարդու խորիոնիկ գոնադոտրոպինը գլիկոպրոտեին է, որն արտադրվում է տրոֆոբլաստի բջիջների կողմից: Այն հղիության առկայության առաջին ինդիկատորներից մեկն է և հնարավորություն է տալիս ժամանակին հայտնաբերելու նորմայից շեղումները:

Տղամարդկանց մոտ ՄԽԳ-ն որոշվում է միայն այն դեպքում, եթե անհրաժեշտ է ժխտել ուռուցքի առկայությունը:

ՄԽԳ. Ընդհանուր բնութագիրը

Գլիկոպրոտեինի մոլեկուլյար զանգվածը կազմում է 46 кДа: ՄԽԳ հորմոնի կոնցենտրացիան արյան մեջ թույլ է տալիս հղիության փաստը հաստատել բեղմնավորումից մեկ շաբաթ անց:

Առաջին եռամսյակում գլիկոպրոտեինն ապահովում է պրոգեստերոնի և էստրոգենի լիարժեք արտադրությունը: Այդ հորմոնները պատասխանատու են հղիության նորմալ ընթացքի համար:

Երկրորդ և հինգերորդ եռամսյակների միջև ՄԽԳ-ն ակտիվորեն աճում է: Նրա ամենամեծ քանակն արյան մեջ դիտվում է տասնմեկերորդ ամսում, դրանից հետո այն աստիճանաբար նվազում է:

Ե՞րբ է անհրաժեշտ իրականացնել բետա-ՄԽԳ հետազոտություն

Եթե պետք է.

• Հաստատել հղիության առկայությունը
• Ժխտել հղիության ընթացքի պաթոլոգիաները
• Գնահատել ՄԽԳ-ն ցիկլի խանգարումների ժամանակ
• Բացառել վիժման վտանգը
• Հաստատել արտարգանդային կամ մահացած հղիությունը
• Ժխտել պլացենտար /ընկերքային/ անբավարարությունը
• Ախտորոշել ուռուցքային գործընթացները, որոնց վրա ազդում է ՄԽԳ հորմոնը
• Գնահատել կնոջ օրգանիզմի վիճակը իրականացված արհեստական վիժումից հետո

Բետա- ՄԽԳ հետազոտության առանձնահատկությունները

Բետա-ՄԽԳ-ի կոնցենտրացիան հղիության առաջին տասներկու շաբաթում համարվում է առավել տեղեկատվական: Նրա ցուցանիշը թույլ է տալիս գնահատել պտղի նորմալ զարգացումը:

Այս շրջանում բետա-ՄԽԳ հետազոտությունը ներառվում է պարտադիր ախտորոշիչ միջամտությունների ցանկում:

Այս հորմոնը ոչ մեծ քանակով առկա է նաև տղամարդկանց և ոչ հղի կանանց մոտ, և միայն, եթե այն բարձրանում է, դա կարող է վկայել լուրջ ախտաբանության մասին:

ՄԽԳ-ն հղիության ախտորոշման համար

Այդ հորմոնի ակտիվ արտադրումն սկսվում է ձվաբջջի բարեհաջող բեղմնավորումից անմիջապես հետո: Մեզի մեջ նրա ավելացումն այդքան ակտիվ չէ:
Երբ այն արյան մեջ հասնում է առավելագույն մակարդակի /մոտ 11-րդ շաբաթ/, սկսում է դանդաղ նվազել: Եթե ՄԽԳ քանակի նորմայից շեղումներ են դիտվում, դա խոսում է պաթոլոգիայի զարգացման մասին:

ՄԽԳ բարձրացում կարող է լինել հետևյալ դեպքերում.

• Բազմապտուղ հղիություն
• Արտահայտված տոքսիկոզ
• Համակարգային հիվանդության զարգացում /շաքարային դիաբետ/
• Պլացենտար գործառույթի խանգարում
• Հղիության ընդհատման վտանգ
• Հորմոնալ դեղերի ընդունում

ՄԽԳ իջեցում կարող է լինել հետևյալ դեպքերում.

• Արտարգանդային հղիություն
• Պտղի զարգացման լրիվ կամ արտահայտված կանգ
• Վիժման վտանգ
• Կայուն պլացենտար անբավարարության զարգացում

Բետա-ՄԽԳ հետազոտության արդյունքի գնահատման ժամանակ պետք է հաշվի առնել, որ հորմոնի մակարդակը որոշվում է էմբրիոնալ ժամկետով /հաշվվում է ձվազատումից մինչև ձվաբջջի բեղմնավորումը/, որը 2-3 շաբաթով պակաս է գինեկոլոգիական ժամկետից / հաշվվում է վերջին դաշտանի առաջին օրից/:

Հստակ ախտորոշումը միայն այս հետազոտությամբ չի արվում: Կլինիկական պատկերի լիարժեքության համար անհրաժեշտ են այլ հետազոտություններ ևս:
ՄԽԳ-ն այլ ախտաբանական վիճակների ախտորոշման համար ՄԽԳ-ն կարող է բարձրանալ արգանդի, ձվարանների, երիկամի, թոքերի և այլ օրգանների
ուռուցքի ժամանակ: Կանանց մոտ այս հորմոնի մակարդակի բարձրացում կարող է լինել տրոֆոբլաստիկ հիվանդության ժամանակ, որը զարգանում է տրոֆոբլաստի ակտիվ աճի հետևանքով:

Հետազոտության նախապատրաստումը

ՄԽԳ-ից օրեր առաջ հատուկ նախապատրաստություն չի պահանջվում: Պետք է հաշվի առնել, որ արյան հետազոտությունը չի իրականացվում անմիջապես ռենտգենոգրաֆիայից, ՈՒՁՀ-ից, ֆլյուրոգրաֆիայից, ֆիզիոթերապևտիկ միջոցառումների կուրսից հետո:

ՄԽԳ հետազոտությունից մի քանի օր առաջ պետք է

• Սննդից հանել ճարպոտ, տապակած կերակուրները և ալկոհոլային խմիչքները
• Հրաժարվել ծանր ֆիզիկական աշխատանքից, շատ հանգստանալ

Հետազոտությունից 1 ժամ առաջ չծխել, 3-4 ժամ ոչինչ չուտել, խմել միայն չգազավորված ջուր: