Ստանալ կոնտակտ

ԱՄԲ փուլերը

2023 Փետ 17, Ուրբաթ

Օժանդակ վերարտադրողական տեխնոլոգիաների մաս կազմող ԱՄԲ-ն կատարվում է փուլային:

Առաջին փուլը սկսվում է հետազոտումից՝ առկա խնդիրը հասկանալու և մոտեցման տարբերակն ընտրելու նպատակով, որից հետո` ընտրված տարբերակի իրականացումը: Օրինակ, կատարվում է ձվարանի խթանում, ապա հսկվում ֆոլիկուլի, ձվաբջջի աճը, որից հետո իրականացվում է պունկցիա՝ ձվաբջիջների ստացման համար: Այնուհետև ձվաբջիջները բեղմնավորվում են, աճեցվում լաբորատոր պայմաններում, և 3-րդ կամ 5-րդ օրը սաղմերը տեղադրվում արգանդի խոռոչում: Մնացած պիտանի, լավ որակի սաղմերը սառեցվում են, որպեսզի օգտագործվեն հետագա փորձերի ժամանակ, և անհրաժեշտություն չառաջանա կրկնել ԱՄԲ բոլոր փուլերը:
 
ԱՄԲ-ից հետո ե՞րբ է գրանցվում հղիությունը

Հղիությունը հաստատելու առաջին, գրեթե միակ հնարավորությունը խորիոնային գոնադոտրոպինի որոշումն է, որը կատարվում է սաղմի տեղադրումից 12-14 օր անց՝ կախված տեղադրման սաղմի զարգացման օրի, իսկ 22 օր անց արգանդի խոռոչում արդեն գերձայնային հետազոտության /ԳՁՀ/ միջոցով կարելի է հայտնաբերել  պտղաձուն:

Հղիության առաջին եռամսյակում հսկողությունը որոշ չափով տարբերվում է բնական ճանապարհով կայացած հղիության հսկողությունից, առավել ևս, եթե օգտագործվել են սառեցված սաղմեր: Սակայն հետագայում, երբ ձևավորվում է ընկերքը, հղիության վարման մոտենում չեն տարբերվում այդպիսիքից բնական հղիությն դեպքում: