Ստանալ կոնտակտ

ԱՄԲ մեթոդները

2023 Հուն 23, Երկուշաբթի

ԱՄԲ մեթոդները տարբեր են, որի ընտրությունը ո՛չ պացիենտի, և ո՛չ էլ բժշկի ցանկությունն է, այլ որոշիչ է կոնկրետ ստեղծված իրավիճակը:

ԱՄԲ ժամանակ անհրաժեշտ քանակի ձվաբջիջների ստացման համար հիմնականում կատարվում է ձվարանների դեղորայքային խթանում, որպեսզի հնարավոր լինի սաղմերի մեջ լավագույնի ընտրություն կատարել: Հաջորդիվ իրականացվում է դրանց բեղմնավորումը:

Մի այլ տարբերակի դեպքում՝ առանց խթանման, հետևում են ձվաբջջի բնական ցիկլում զարգացմանը, որից հետո մյուս փուլերը մնում են նույնը: ԱՄԲ կարող է իրականացվել դոնորական ձվաբջջով և սերմով: Օգտագործվում է նաև փոխնակ մայրության հնարավորությունը, երբ կինն ինչ-ինչ պատճառով չի կարող կրել հղիությունը (արգանդի զարգացման արատ, արգանդի հեռացում, սոմատիկ տարբեր հիվանդություններ՝ սրտային, երիկամային, ուռուցքներ և այլն): Այսինքն, կինն ընդունակ է ունենալ նորմալ ձվաբջիջ, բայց հղիությունը կրել չի կարող:

ԱՄԲ ժամանակ նաև օգտագործվում են սառեցված ձվաբջիջ, սերմնաբջիջ: Այս տարբերակին դիմում են, երբ ամուսինը երկար ժամանակով բացակայում է, կամ կնոջ մոտ առկա է չարորակ ուռուցքային հիվանդություն (կա քիմիոթերապիա ստանալու անհրաժեշտություն) և այլն: Այս դեպքում նախապես վերցվում են ձվաբջիջները, սերմնաբջիջները և սառցապահպանվում են:
 
ԱՄԲ-ն անպտղության բուժման թանկարժեք մեթոդ է:

Մեր կլինիկայում այն հնարավոր է իրականացնել նաև  Պետության կողմից երաշխավորված անվճար այմաններով: Կան բարեգործական կազմակերպություններ, որոնք ևս հովանավորում են ԱՄԲ-ն՝ պացիենտների որոշակի խմբի: Դրանցից յուրաքանչյուրն ունի իր պայմանները (բնակավայրը, կնոջ տարիքը և այլն):