Ստանալ կոնտակտ

Տղամարդու անպտղություն. մանկաբարձ-գինեկոլոգ, վերարտադրողաբան Լուսինե Բալայան

2022 Դեկ 12, Երկուշաբթի

Որքա՞ն հաճախ է հանդիպում անպտղությունը տղամարդկանց մոտ
Կարծիք կա, որ անպտղությունը հաճախ առաջանում է կանանց, քան տղամարդկանց խնդիրների պատճառով: Սակայն դա սխալ մտայնություն է:

Ճշմարտությունն այն է, որ անպտղությունը հավասար չափով լինում է ինչպես կանանց, այնպես էլ տղամարդկանց խնդիրների հետևանքով: 1/3 դեպքում անպտղություն դիտվում է տղամարդկանց մոտ, 1/3 դեպքում՝ կանանց, իսկ 1/3 դեպքում լինում է զուգակցված անպտղություն, այսինքն և՛ կնոջ, և՛ տղամարդու մոտ առկա է անպտղությանը նպաստող խնդիր:

Այդ պատճառով, շատ կարևոր է, որպեսզի զույգը միասին և միաժամանակ անցնի հետազոտությունները:

Որո՞նք են տղամարդու անպտղության պատճառները
Տղամարդկանց անպտղության ամենատարածված պատճառներից է սպերմատոզոիդների արտադրման հետ կապված խնդիրը:

Չնայած օօցիտի բեղմնավորման համար պետք է ընդամենը մեկ սպերմատոզոիդ, սակայն մի քանի սպերմատոզոիդի ֆերմենտ է անհրաժեշտ ձվաբջջի պաշտպանիչ թաղանթը քայքայելու համար:

Հղիություն առաջացնելու համար սպերման պետք է լինի բարձր խտության. սպերմայի յուրաքանչյուր միլիլիտրում պետք է պարունակվի 15 միլիոնից ոչ պակաս սպերմատոզոիդ:

Ո՞ր հիվանդություններն են բերում տղամարդու անպտղության

Ժամանակակից բժշկության մեջ տարբերում են 4 տեսակի հիվանդություններ.

․ Սեկրետոր, երբ ամորձիները բավարար քանակությամբ սպերմա չեն արտադրում, կամ սպերմատոզոիդներում ինչ-որ ախտաբանություն կա, որը թույլ չի տալիս, որ նրանք ձվաբջջի բեղմնավորում իրականացնեն:

․ Օբտուրացիոն, երբ խնդիրը սպերմայի տեղաշարժի բարդությունն է սերմնածորաններով:

․ Իմունոլոգիական.
Այս հիվանդության ժամանակ տղամարդու իմունային համակարգը արտադրում է հակամարմիններ, որոնք սպանում են սպերմատոզոիդներին, որն էլ բացառում է բեղմնավորման կայացումը: Պաթոլոգիայի մեջ մտնում է նաև զուգընկերների անհամատեղելիությունը՝ կնոջ օրգանիզմում արտադրվում են հակամարմիններ տղամարդու սպերմայի դեմ, ընդ որում, երկու դեպքում էլ այլ զուգընկերոջ հետ նրանք կարող են երեխաներ ունենալ:

Ձեր խորհուրդը
Երբեք չպետք է կենտրոնանալ այն բանի վրա, թե ում մեղքով է անպտղությունն առկա:

Պետք է հիշել, որ մեր օրերում անպտղություն ախտորոշումը դատավճիռ չէ և չի նշանակում, որ այլևս երբեք երեխա չեք ունենալու:

Պարզապես անհրաժեշտ է ժամանակին դիմել մասնագետի՝ ցանկալի արդյունքի՝ հղիության և սպասված բալիկի ծնունդի բերկրանքը վայելելու համար:

Պետք է հիշել՝ ճանապարհը բացվում է քայլողի առաջ: