Ստանալ կոնտակտ

Արտամարմնային բեղմնավորման և սպերմատոզոիդի ներցիտոպլազմատիկ ներարկման տարբերությունը

2022 Մայ 16, Երկուշաբթի

Արտամարմնային բեղմնավորումը` ԱՄԲ ( ЭКО - экстракорпоральное оплодотворение, IVF - in vitro fertilization) և սպերմատոզոիդի ներցիտոպլազմատիկ ներարկումը` ՍԻՑՆ (ICSI – Intra Cytoplasmic Sperm Injection) վերատադրողականության տեխնոլոգիաներ են, որոնք օգտագործվում են անպտղության ժամանակ:  

Ինչո՞ւմ է կայանում նրանց տարբերությունը:

ԱՄԲ-ն կոմպլեքս աստիճանական ծրագիր է, որը ենթադրում է բեղմնավորում կնոջ օրգանիզմից դուրս, հետագայում` էմբրիոնի տեղափոխմամբ արգանդի խոռոչ: ՍԻՑՆ-ն էլեկտրակորպորալ բեղմնավորման մեթոդ է, որն, անհրաժեշտության դեպքում, (եթե բեղմնավորման ստանդարտ գործընթացն արդյունք չի տալիս) կիրառվում է ԱՄԲ ուղեցույցներում՝ միջամտության արդյունավետությունը բարձրացնելու նպատակով:  ՍԻՑՆ-ն ԷԿՈ-ի ծրագրի մաս է կազմում կնոջ և տղամարդու սեռական բջիջների միավորման փուլում:

ԱՄԲ-ն և ՍԻՑՆ -ն անիմաստ է միմյանց հետ համեմատել:

ԱՄԲ-ի արդյունավետության միջին ցուցանիշը 30-40 տոկոս է կազմում ցիկլում, իսկ ՍԻՑՆ -ի մեթոդով այն 31 տոկոս է:  Սակայն այս տեղեկատվությունն առանձնապես չի կարևորվում կոնկրետ զույգերի համար: Օրինակ, անպտղության մեջ կանանց գործոնի դեպքում հաշվարկները պետք է կառուցել ԱՄԲ-ի ուղեցույցների ստանդարտներով, իսկ տղամարդու գործոնի դեպքում առաջին փորձը նպատակահարմար է անցկացնել ՍԻՑՆ-ի տեխնոլոգիայով:

Մեծ նշանակություն ունի ապագա երեխայի ծնողների գենետիկ առողջությունը և օրգանիզմի վիճակը: Եթե առկա են քրոմոսոմային շեղումներ և ուղեկցող հիվանդություններ, գենետիկ նյութը կարող է լիարժեք չլինել բեղմնավորման համար: Եթե զույգն ունի որոշ ռիսկեր, ապա իրականացվում են մի շարք թեստեր՝ էմբրիոնի կենսունակությունը լրացուցիչ գնահատելու համար:

ԱՄԲ-ն ՍԻՑՆ-ից տարբերվում է էմբրիոնալ փուլով: Դասական ուղեցույցի դեպքում ձվաբջիջները տեղադրվում են սնուցող միջավայրում: Այստեղ էլ ներդրվում է տղամարդու նյութը (հատուկ ձևով մշակված սպերման): Բեղմնավորումն իրականանում է ձվաբջջի մեջ ամենաակտիվ և առողջ սպերմատոզոիդի ներդրմամբ:
ՍԻՑՆ -ի դեպքում քայքայվում է ձվաբջջի պաշտպանական թաղանթը և բջիջն ամրացվում է: Սպերմատոզոիդներն անջատվում են սերմնահեղուկից և դրվում մի միջավայրում, որտեղ դժվարանում է նրանց շարժունակությունը: Էմբրիոլոգն ընտրում է ամենակենսունակ և ամենաակտիվ բջիջը և այն տեղադրում ձվաբջջի մեջ: Մնացած գործողությունները՝ կուլտիվացումը և էմբրիոնի իմպլանտացիան, ընթանում են ԱՄԲ-ի կարգով:

ԱՄԲ և ՍԻՑՆ ցուցումները

• Սպերմատոզոիդների ցածր խտություն` արտազատված սերմնահեղուկում (օլիգոսպերմիա),
• բջիջները նվազ շարժողություն,
• դեֆեկտավոր սպերմատոզոիդների մեծ քանակություն,
• սպերմատոզոիդների չախտորոշված ախտաբանություններ,
• անատոմիական գործոններով պայմանավորված սպերմատոգենեզի խանգարում,
• կրիոկոնսերվացված կամ դոնորական սերմնահեղուկի օգտագործում,
• բազմաթիվ անհաջող ԱՄԲ փորձեր` անամնեզում,
• որակով ձվաբջիջների պակաս,
• զույգի մոտ իդիոպաթիկ անպտղություն,
• տղամարդու մոտ ՁԻԱՎ առկայություն (մեթոդը հնարավորություն է տալիս նյութը մաքրել վիրուսից) և այլն:

ԱՄԲ հակացուցումները

Հակացուցված են ծանր սոմատիկ և էնդոկրին ախտաբանությունների ժամանակ: Կնոջ մոտ չի կիրառվում հոգեկան հիվանդության դեպքում, արյան լուրջ հիվանդությունների, ուռուցքային հիվանդությունների ժամանակ, անատոմիական յուրահատկությունների դեպքում, երբ անհնարին է դառնում հղիությունը:

Վարակները, բորբոքային հիվանդությունները, վնասվածքները, բարորակ ուռուցքները հարաբերական հակացուցումներ են:

Նախապատրաստումը

ԱՄԲ-ից առաջ ծնողներին խորհուրդ է տրվում առողջ ապրելակերպ վարել, սնվել ճիշտ և ընդունել վիտամիններ: Երկրորդ փուլում կատարվում է կոմպլեքս հետազոտություն: Հիվանդության հայտնաբերման դեպքում իրականացվում է համակարգված բուժում: Երրորդ փուլում ընտրվում է ԱՄԲf ամենահարմար ուղեցույցը:

Բեղմնավորման համար ստացվում են կնոջ և տղամարդու սեռական բջիջները:  Կնոջ մոտ, սովորաբար, կատարվում է ձվարանների հորմոնալ դրդման կուրս և ֆոլիկուլների պունկցիա: Ձվաբջջի ստացման օրը վերցվում է տղամարդու սպերման: Կենսանյութի մյուս նախապատրաստական գործողությունները կատարվում են էմբրիոլոգիական լաբորատորիայում: